Tipan

Muli, naglakbay ang aking isipan-hindi lamang sa iisang direksiyon, kundi sa iba't ibang dimensyon, panig, at anyo ng mundong ito. Isang paglalakbay na tila'y mistikal: ang mata'y nakapiring, ang mga paa'y nakagapos, ngunit ang imahinasyon ay patuloy na lumilipad, tumatakas, at kumakawala sa tanikala ng realidad upang maghanap ng mga salitang babagay, magpapagaling, at magpapalaya. Sa gitna ng katahimikan ng gabi at ingay ng araw, unti-unting nahubog ang adhikaing ito-na higit pa sa pagsusulat, ito ay naging panata: isang pangakong maghahatid ng kaalaman, inspirasyon, pag-asa, at positibong pananaw sa gitna ng samu't saring sitwasyong hinaharap ng bawat isa sa atin sa araw-araw.